فصل ۱ قسمت ۲

۲۶ دی ۱۳۹۷
502 بازدید
1 دیدگاه

بیتمیش رادیو
فصل ۱ اپیزود ۲
دیرسه‌خان اوغلو بوغاج

شنیدن این قسمت:

می‌توانید با کلیک بر روی دکمه پخش در پخش‌کننده آنلاین زیر به‌صورت آنلاین گوش دهید:

شما می‌توانید این قسمت را از تمامی اپلیکیشن‌های پادکست نیز دریافت کنید. (راهنمای استفاده از اپلیکیشن‌های پادکست‌)

متن خوانده شده این قسمت:
دده قورقود

دئمک دیرسه قادینینی دینله‌دی،
نذر ائله‌ییب، بؤیوک بیر توی ائله‌دی.
قویون-قوزو کسدی، قیردی آت-دوه،
اوغوز ائللرینی ییغدی بیر یئره.
هاردا بیر آج گؤردو، دویوردو اونو،
یالینجیق اولانا، گئیدیردی دونو.
بورجلو اولانلارین، بورجونو وئردی.
خرجلیک‌سیز قالانین، دمینی گؤردو.
هر یئرده داغ کیمی، ات-یاغ قالادی.
سو کیمی چایلارا قیمیز جالادی،
هانسی آتیلان اوخ هدفه دَیدی،
بیر آغزی گؤیچه‌یین سؤزو گؤیردی.
خاتین او گونلرده حامله اولدو،
چوخ زمان کئچمه‌دن بیر اوغلان دوغدو.

اوغلانجیغی دایالارا،
تاپشیردیلار، ساخلاتدیلار.
آت آیاغی کولک اولور،
اوزان دیلی یوگرک اولور،
زمان کئچدی، ایل دولاندی،
اوغلان بویا-باشا چاتدی،
اون بئش یاشلی، بیر گنج اولدو.

دئییرلرکی، باییندیرخان،
ساراییندا، ایکی اسرک،
بوغا وارمیش.
او بوغالار، قارا داشا،
بوینوز وورسا، اووارلارمیش.
یاز اولاندا-گوز اولاندا،
توی توتارلار، بوغالاری،
دؤیوشدوروب، خانلار-بَی‌لر،
تَفرّوجه ییغیلارلار.
یئنه بیر یاز، باییندیرین،
اوردوسوندا،
توی باشلادی.
آغ میدانی، سوپوردولر،
سولادیلار.
بوغالارین هر بیرینی،
آلتی دمیر زنجیر ایلن،
زنجیرله‌ییب.
آلتی کیشی،
اوچو ساغدان، اوچو سولدان،
زنجیرلردن یاپیشاراق،
چکه-چکه، گتیردیلر.
گون گؤرمه‌میش بوغالارین،
بیری آنجاق،
زنجیرلرین، چکیب قیریر،
کیشی‌لرین اللریندن،
بوراخیلیر.

میدان دَییر بیر-بیرینه،
دیرسه‌خانین اوغلانی دا،
ایکی نفر یاشیدییلا،
بیر طرفده آشیق اوینور.
آغ اورکلر، قاچیب تئزیر.
اوغلانجیغین دوستلاری دا،
قویوب قاچیر!
لاکین اوغلان ترپنمه‌دن،
اؤز یئرینده دوروب قالیر.

بونو گؤرن قیزقین بوغا،
بوینوزلارین شوشله‌ده‌رک،
اوغلانجیغا، هوجوم ائدیر.
اوغلان ایسه چکینمه‌دن،
یومروغونو دوگونله‌ییر،
بوغا اونا چاتان زمان،
اندیریری، قاشقاسیندان.

یومروغون ضربه‌سیندن،
اسرک بوغا، گیجه‌للَنیر،
ایگید اوغلان سیچراییبان،
یاغیسینی بوینوزلاییر.
نر اوغلانلا-قیزقین بوغا،
قاباق-قانشار، دارتیشیرلار.
لاکین گوجلر،
بیر-بیرینه، اوستون اولمور.
هر ایکیسی آرالیقدا،
دوروب قالیر.

اوغلان بیر آز فکره دالیر:
– «دام دایانار، دیرک ایله.
بیر سارایین دیره‌یینی،
چکر اولسان، ائو ییخیلار.
من نه اوچون، بو حیوانا،
دیرک اولوم؟» دئیه-اوغلان،
دوشونه‌رک، ناگهاندان،
اللرینی، حیوانجیغین،
بوینوزوندان، گؤتوروبن،
سیچیراییر قیزقین بوغا،
باشی اوسته، یئره دَییر.
اوغلان ایسه مجال وئرمیر،
پیچاغیله، باشین کسیر.
بونو گؤرن خانلار-بَی‌لر،
ییغیلیرلار،
کل اوغلانین دؤوره‌سینه.
– هانی، گلسین «قورقود دده»،
بو اوغلانین، آدین قویسون
الین توتوب باباسیندان
اونون اوچون، تخت ایسته‌سین،
بَی‌لیک آلسین! دئیه-دئیه.
***
چاغیردیلار، ددم قورقود
گلر اولدو.
اوغلانجیغین الین توتدو،
باباسینا واریب گئتدی.
– هئی دیرسه‌خان، اوغلانینا،
کورسی وئرگیل، بَیلیک وئرگیل،
اردملی‌دیر!
بوینو اوزون بَدوی آت وئر،
مینر اولسون، هنرلی‌دیر!
آغ آییلدان، تومن-تومن،
آغ قویون وئر، بو اوغلانا،
شیشلیک اولسون،
اردملی‌دیر!
قاتار-قاتار دوه وئرگیل،
قوی اوغلانا، یوکلت اولسون،
هنرلی‌دیر!
قیزیل قوببا، چادیر وئرگیل،
بو اوغولانا، کؤلگه سالسین،
اردملی‌دیر!
چیینی قوشلو، جوببه وئرگیل،
قوی بو اوغلان گییَر اولسون،
هنرلی‌دیر!
آغ میداندا، بوغا باسیب،
اونون آدی، «بوغاج» اولسون.
آدینی من قویدوم، یاشین،
تانری تعالی، اؤزو وئرسین.

برخی از لغات توضيح داده شده در اثناى شرح این قسمت:

حامله: (عربى) گبه، بويلو
دايه (سنسكريت): آناكا، اته كه، اكه
اسرك: مست، مدهوش، ناعقل، نفهم
بوغا: گاو نر دو ساله، گاو نر
بوينوز: شاخ
زنجير: بوخوو، كوستك، چولان، باغان
ياغى: دشمن
قيزقين: عصبانى، داغ، پر حرارت
قاشقا: لكه‌ى سفيد رنگ در پيشانى اسب و يا گاو
قانشار: روبرو، جلو، مقابل
سيچراماق: جهيدن، جستن
كل: نيرومند، قوى، باهوش
اردم: فضيلت، لياقت
يوكلت: حيوان بارى
آغاييل: مكان محصور رو باز، جهت نگهدارى گوسفند
تومن: ده هزار

منابع:

۱٫ قارداش آندی، بولود قاراچورلو، حاضيرلايان سعيد موغانلى، نشر نقدافكار، ۱۳۹۱
۲٫ نسخه ى درسدن، كتاب ددم قورقود
۳٫ مقالات و يادداشتهاى استاد حسن اوموداوغلو

لیست آهنگ‌های استفاده شده این قسمت به ترتیب:

۱٫ Habil aliyev – Kaman Möcüzesi – Bayati Shiraz
۲٫ Mark Eliyahu – Voice of Judea – brothers getting together
۳٫ Imamyar Hasanov – Undiscovered Treasure Kamancha of Azerbaijan (2007) – Improvisation On Azeri Traditional Mugham Bayati Shiraz
۴٫ Tello – Aghakhan Abolahof – Tello Tesnifi
۵٫ Imamyar Hasanov – Undiscovered Treasure Kamancha of Azerbaijan (2007) – Tofig Guliyev Ilk Bahar
۶٫ Tello – Aghakhan Abolahof – Azizim Shirvan Guzel Tesnifi
۷٫ Erkan Kanat – Topkapı’da Raks – Aziza

راه‌های ارتباطی:

تویتر: twitter.com/bitmishradio
اینستاگرام: instagram.com/bitmishradio
تلگرام: https://t.me/bitmishradio
ایمیل: bitmishradio@gmail.com

ممکن است علاقه مند باشید

فصل1
اشتراک گذاری1113 بازدید4

فصل ۱ قسمت ۶

ادمین - دی ۲۶, ۱۳۹۷

بیتمیش رادیو فصل 1 اپیزود 6 دیرسه‌خان اوغلو بوغاج شنیدن این قسمت: شما می‌توانید این قسمت را از تمامی اپلیکیشن‌های…

فصل1
اشتراک گذاری954 بازدید3

فصل ۱ قسمت ۵

ادمین - دی ۱۲, ۱۳۹۷

بیتمیش رادیو فصل 1 اپیزود 5 دیرسه‌خان اوغلو بوغاج شنیدن این قسمت: می‌توانید با کلیک بر روی دکمه پخش در…

فصل1
اشتراک گذاری734 بازدید

فصل ۱ قسمت ۴

ادمین - آذر ۲۸, ۱۳۹۷

بیتمیش رادیو فصل 1 اپیزود 4 دیرسه‌خان اوغلو بوغاج شنیدن این قسمت: می‌توانید با کلیک بر روی دکمه پخش در…

1 دیدگاه

  1. دده قورقودون سوزلری دیرسه‌خانا، چوخ حماسی و اورگه‌یاتاندی. آدام لحنیندن لذت آپاریر. آدام اوزون قویاندا بوغاجین یرینه، بو سوزلر و تعریف‌لر برک شیرین گلیر.

    پاسخ

ثبت دیدگاه

آدرس ایمیل شما منتشر نخواهد شد.