فصل ۱ قسمت ۵

۲۶ دی ۱۳۹۷
888 بازدید
3 دیدگاه

بیتمیش رادیو

فصل ۱ اپیزود ۵

دیرسه‌خان اوغلو بوغاج

شنیدن این قسمت:

می‌توانید با کلیک بر روی دکمه پخش در پخش‌کننده آنلاین زیر به‌صورت آنلاین گوش دهید:
ممکن است لود شدن پخش کننده آنلاین کمی طول بکشد لطفا شکیبا باشید

شما می‌توانید این قسمت را از تمامی اپلیکیشن‌های پادکست‌ نیز دریافت کنید. (راهنمای استفاده از اپلیکیشن‌های پادکست‌)

متن خوانده شده این قسمت:دده قورقود

آناسینی دینله‌یه‌رک،
گؤزلرینی، آچدی اوغلان،
گؤرَک دیلی توتار – توتماز،
نه سؤیله‌میش، آناسینا:
– ایره‌لی گل، سینه‌سیندن،
قانا – قانا
سود امدی‌ییم، آغ بیرچکلی،
قادین آنا!
قازلیق داغدان، آخان سولار،
گناهسیزدیر، قارغاما گیل!
بو داغلاردا بیتن اوتلار
گناهسیزدیر، قارغاما گیل!
قارشی یاتان، اوجا داغلار،
گناهسیزدیر، قارغاما گیل!
جوب‌لرده‌کی، جئیرانلاردا،
گناهسیزدیر، قارغاما گیل!
آسلانلاردا، قافلانلاردا!
گناهسیزدیر، قارغاما گیل!
قارغاییرسان، گل بابامی قارغاگیلان،
بو ایش منه، بابامداندیر.
دئیه-اوغلان یئنه دئدی:
– آنا، نه قورخ، نه ده آغلا،
گؤی – بوز آتلی خیضیر الیاس،
باشیم اوسته، گلدی منیم،
اوخ یاراما، چکدی الین،
«بو یارادان، سنه اؤلوم،
یوخدور» – دئدی.
– «داغ چیچَگی – آنا سودو،
درمانیندیر» – دئمیش سنین.
یارالینین سؤزلرینی،
دینله‌دیکده، قیرخ گول بدن،
سپه‌لَشدی، چیچک کیمی،
هر طرفه، قیرخی بیردن.
سینه‌لرده، چیرپینارکن،
آنالیغین، صاف اورگی،
توپلادیلار قوجاق-قوجاق،
اتک-اتک داغ چیچگی.

آغ بیرچکلی، یازیق آنا،
دؤشون سیخدی.
بیر سیخارکن، سود گلمه‌دی.
ایکی سیخدی، سود گلمدی.
اوچ سیخاندا، قان قاریشیق،
سود فیشقیردی.
او سود ایلن، مرحم ائدیب،
اوغلانجیغین، یاراسینی،
باغلادیلار، گؤتوردولر.
آت اوستونه، میندیریبن،
اوردوسونا، گتیردیلر.
حکیملره، طبیبلره،
تاپیشیریب، گؤزله‌دیلر،
کیمسه ایله، دانیشماییب،
دیرسه خاندان، گیزله‌دیلر.
آت آیاغی، کولک اولور،
اوزان دیلی، یوگرک اولور.
قیرخ گون، باشا، چاتار-چاتماز،
اوغلانجیغین، یارالاری،
اوزه گلدی، ساپ ساغ اولدو.
یئنه ده آت، مینه بیلدی،
یئنه قیلینج، چالا بیلدی
یئنه ده او، اوو دا-اوولار،
قوش دا – قوشلار.
دیرسه‌خانین، خبری یوخ،
اوغلانجیغین، اؤلموش بیلیر.

قیرخ نامردلر، بونو دویدو.
– نه ائتمه‌لی؟
دئیه – اونلار، دیمدیکلشدی:
«اوغلانینین ساغ اولدوغون،
بیلر اولسا، «دیرسه» اگر،
یقین بیلین، ال گؤتورمز،
هامیمیزی، قیریب تؤکر!
گرک واختی، اودوزمادان،
اونو توتاق.
آغ بوینونا، قارا قزیل،
سیجیم تاخاق!
آغ اللرین، دالدان چاتاق،
یاد ائللره-کافرلره،
قویوب قاچاق!»
دئیه – اونلار، دیرسه خانی،
باسمارلاییب،
آغ اللرین، دالدان چاتیب،
آغ آتیندن قان چیخینجا،
دؤیجه‌له‌ییب،
اوردوسونو، ییغمالاییب،
دوستاق ائدیب،
قانلی کافر ائللرینه،
یؤنلدیلر

دیرسه خانین، بو ایشیندن،
هئچ بیر کسین، خبری یوخ
آنجاق قادین بونو دویور،
اوغلانینی، چاغیریبان،
نه سؤیله‌ییر:
– اوغول – اوغول، جانیم اوغول،
گؤرورموسن، نه‌لر اولدو؟
سرت قایالار، اوینامادان،
یئر آیریلدی! ائله یاغی، سوخولمادان،
بابان اوسته، یاغی گلدی!
اول قیرخ نامرد، دیرسه خانی،
یاخالاییب، آغ اللرین،
آرخاسیندا، باغلادیلار،
آغ بوینونا، قارا سیجیم،
کئچیرتدیلر!
بابان، یایان، اونلار آتلی،
یوروتدولر!
گؤتوروبن، قانلی کافر،
ائللرینه، یؤنلدیلر!
یئنه دئمیش:
– دور آیاغا، جانیم اوغلان،
قیرخ ایگیدین، بویووا آل،
گئت باباوی، قیرخ نامردین،
اللریندن، قورتارگیلان!
بابا سنه، قییدیسا دا،
سن باباوا، قییما اوغول!

ایگید اوغلان، آناسینین،
سؤزلرینی، قبول ائتدی،
قارا پولاد قیلینجینا،
قورشانیبان،
آغ قوتازلی، قاتی یایین،
اله آلدی،
بَدوی آتین توتدوروبان،
بوتون میندی،
قیرخ ایگیدین آتلاندیریب،
بابا – دئییبن،
یورتوب گئتدی.
اول قیرخ نامرد، بیر چمنده،
ائدیب اوتراق،
آل شرابین، ایتی سیندن،
ایچن زمان،
ایگید بوغاج یئتدی، آنجاق.
قیرخ نامردلر، اونو گؤروب،
سؤیله‌دیلر:
– «دورون واراق، اوغلانی دا،
ائدک دوستاق، هر ایکی‌سین کافرلره،
بیر آپاراق!»
دیرسه بونو ائشیده‌رک:
– آمان، قیرخ یولداشیم، آمان!
ایلاهینین بیرلییینه،
یوخدور شوبهه، یوخدور گومان!
آچین منیم، اللریمی،
قوپوزومو، منه وئرین،
قایتاریم من، بو گلنی
گرک اولسا، اؤلدورونوز،
گرک اولسا، ساخلایینیز،
سونرا منی.
دیرسه‌خانین اللرینی،
بوشالتدیلار،
گتیردیلر قوپوزونو.
او بیلمیردی، بو گَلَنین
اوغلانجیغی، اولدوغونو.
آستا-آستا، قارشی گلدی،
آلدی گؤرک، نه سؤیله‌دی:
بوینو اوزون، بَدوی آتلار،
گئدیرسه‌ده، منیم گئدیر.
بو ایلخی‌دا، سنین ده گر،
میندیگین وار، دئ‌گیل منه.
ساواشمادان-ووروشمادان
قایتاراغیم، دالی قاییت!

آغاییلدان، سورو قویون،
گئدیرسه ده، منیم گئدیر.
بو سوروده، سنین ده گر،
شیشلیگین وار، دئ‌گیل منه.
ساواشمادان-ووروشمادان،
قایتاراغیم، دالی قاییت!
قاتار-قاتار قیزیل دوه،
گئدیرسه ده منیم گئدیر.
سنین ده گر، بو قاتاردا،
یوکلتین وار، دئ‌گیل منه
ساواشمادان-ووروشمادان،
قایتاراغیم، دالی قاییت!
قیزیل قوببا، چادیرلاریم،
گئدیرسه ده، منیم گئدیر.
آراسیندا، سنین ده گر،
اودان واردیر، دئگیل منه
ساواشمادان-ووروشمادان،
قایتاراغیم، دالی قاییت!
آلا گؤزلو، قیز-گلین‌لر،
گئدیرسه، ده، منیم گئدیر.
ایچ‌لرینده، سنین ده گر،
نشانلین وار، دئ‌گیل منه.
ساواشمادان-ووروشمادان،
قایتاراغیم، دالی قاییت!
آغ ساققاللی، قوجالاریم،
گئدیرسه ده، منیم گئدیر.
ایچلرینده، سنین ده گر،
بابان وارسا، دئ‌گیل منه.
ساواشمادان- ووروشمادان،
قایتاراغیم، دالی قاییت!
منیم اوچون، گلمیشسن‌سه،
اوغلانجیغیم، اؤلدورموشم،
ایگید سنه، یازیغی یوخ،
دالی قاییت!
ایگید اوغلان آتاسینی،
دینله‌یه‌رک،
جوابیندا نه سؤیله‌میش،
باخاق گؤرک:

چندى از لغات توضيح داده شده در اثناى شرح این قسمت:

ایره‌لی: (ایله‌ری) جلو. پیش. نزدیک. قبل. مقدم. پیشاپیش.
بیرچک: موی پیشانی. گیسوی مجعد.
دؤلم: گیسوی بناگوش مردان.
جوب/جب: گودالی که در آن آب جمع شود.
یاختی/یاقتی: مرحم.
حکیم/طبیب: امچی. اوتچی. قام. آتاساغون. باخشی.
اوزان: نوازنده. نقال. خواننده.
قزیل: پشم بز.
سیجیم: طناب دراز از پشم بز و کتان و…
طناب/ریسمان: چاتی. ائشمه. قایتان. گنف. اورکن. بوندور. قاتما. ایپ. قانغال. بوکچورما. کندیر.
دؤیج: هاون. کوبه.
ییغمالاماق/یاغمالاماق: غارت کردن. یغما کردن.تاراج.
دوستاق/توستاق: اسیر. زندانی. زندان.
قوتاز/قوتاس: قطاس. گاو تبتی. یاک. نوعی علم و رایت و منگوله. موی دم گاو تبتی که از آن منگوله و آویز سازند.
چاییر: چمن. مَرغ.

منابع:

۱٫ قارداش آندی، بولود قاراچورلو، حاضيرلايان سعيد موغانلى، نشر نقدافكار، ۱۳۹۱
۲٫ نسخه ى درسدن، كتاب ددم قورقود
۳٫ مقالات و يادداشتهاى استاد حسن اوموداوغلو

۰۱ Habil əliyev – Kaman Möcüzəsi – Bayati Shiraz (لینک خرید)
۰۲ El baghchasi – Jafar Ahmadi, Changiz Mehdipour – El Baghchasi  (لینک خرید)
۰۳ Tabriz Doshamasi – Ali Norouzi, Changiz Mehdipour – Bulaq Live Concert

 

راه‌های ارتباطی:

تویتر: twitter.com/bitmishradio
اینستاگرام: instagram.com/bitmishradio
تلگرام: https://t.me/bitmishradio
ایمیل: bitmishradio@gmail.com

ممکن است علاقه مند باشید

فصل1
اشتراک گذاری1042 بازدید4

فصل ۱ قسمت ۶

ادمین - دی ۲۶, ۱۳۹۷

بیتمیش رادیو فصل 1 اپیزود 6 دیرسه‌خان اوغلو بوغاج شنیدن این قسمت: شما می‌توانید این قسمت را از تمامی اپلیکیشن‌های…

فصل1
اشتراک گذاری684 بازدید

فصل ۱ قسمت ۴

ادمین - آذر ۲۸, ۱۳۹۷

بیتمیش رادیو فصل 1 اپیزود 4 دیرسه‌خان اوغلو بوغاج شنیدن این قسمت: می‌توانید با کلیک بر روی دکمه پخش در…

فصل1
اشتراک گذاری538 بازدید1

اپیزود ویژه شب یلدا

ادمین - آذر ۲۵, ۱۳۹۷

اپیزود ویژه بیتمیش رادیو به مناسبت شب یلدا چیلله گئجه‌سینه گؤره اؤزل بیر وئرلیش در این اپیزود ویژه علاوه بر…

3 دیدگاه

ثبت دیدگاه

آدرس ایمیل شما منتشر نخواهد شد.